Intzaren 'Ilundu aurretik' diskoa

Intza Unanuek Ilundu aurretik lana aurkezteko kontzertua emango du ostiralean, 21:00etan hasita, Etxeluze gaztetxean. Horren harira, KARKARAk artista oriotarraren diskoa zozkatuko du bazkideen artean. Diskoaren zozketan parte hartu nahi duten bazkideek ostegunean 12:00ak arteko epea izango dute izena emateko. Zozketa egin ostean, irabazleak nortzuk diren webgunean jakinaraziko da.