Mus txapelketa eta erromeria izan zituzten Aiako Iturriotzen, asteburuan, jaiei hasiera emateko. Bihar San Joan eguna ospatzeko ekintzaz betetako egitaraua osatu dute, goizean goizetik ilundu bitarte. 10:30etako mezarekin hasiko da festa. Ondoren, auzoko gazteen arteko herri kirolak egingo dituzte. Bazkaldu aurretik Sustrai Colina eta Iker Zubeldia bertsolariak egongo dira, baita Tapia eta Leturia ere. Gauean berriz ere erromeri taldeak saioa eskainiko du.
Jaietan murgildu ziren asteburuan Aiako Iturriotz auzoan, gorputza berotzeko mus txapelketa eta erromeriaz gozatu zuten, baina bihar izango dute egun handia Iturriotzen. San Joan Egunerako egitarau oparoa prestatu dute festa batzordeko kideek, auzoko gazteen arteko herri kirolak, bertso saio eta erromeria antolatu dituzte. Bestalde, aurreko urtetan bezala ez da faltako auzotarren arteko bazkaria trikitilari eta bertsolariez girotuta.
Ekainak 24
- Meza
- Herri Kirolak
- Bertso saioa
- Tapia eta Leturiaren erromeria
- Bazkaria
- Tapia eta Leturiaren erromeria
Biharkoa egun handia izan arren, festak ez dira biharko erromeriarekin amaituko. Etzi, ekainaren 25ean, eguerdiko 12:00etan meza izango da eta ondoren hamaiketakoa.