Herriko zuhaitza eta igandea, kolore biziz margotuta
2018-12-18 11:30 gizartea Orio
Mandalara Kultur Taldearen eskutik, mandala tailerra izan zen igandean, Orioko kultur etxean. 100 pertsona inguru elkartu ziren, haur zein heldu, eta mandalak kolore biziz margotu ostean, herriko zuhaitza apaindu zuten.
Bostonen ere Ahobizi eta Belarriprest dira oriotarrak
2018-12-18 09:00 gizartea Orio
Pasa den igandean Bostonera iritsi zen Euskaraldia. Euskaldun kuadrila bat New England Basque Cluben elkartu zen urteko pintxo potea egiteko, eta Ahobizi eta Belarriprest rolak hartuta, Euskaraldiarekin bat egin zuten. Orioko familia batek ere ekimenean parte hartu zuen; Arantza Murianak, Igor Iturriotzek eta Julene eta Alixe alabek.
Boleibolean jolasteko-jokatzeko sarea
2018-12-13 16:00
gizartea
Ikasturtearen amaierarekin eta udarako denboraldia hasten denean hainbat aldaketa izaten dira herrian eta hondartza aldean,...
Sara Iparragirrek irabazi du aurtengo Gipuzkoa Kirolak Saria
2018-12-13 11:19 kirola Orio
Emakumezkoen kategorian, IDK Gipuzkoa taldeko Sara Iparragirre eta Maria Eraunzetamurgil saskibaloiko jokalariek eta Azu Muguruza entrenatzaileak eskuratu dute saria.
Orioko Pintxo Asteari hasiera eman diote
2018-12-10 18:09 gizartea Orio
Gaur hasi da Arkupek aurrenekoz antolatutako Pintxo Astea Orion; gaurtik ostegunera bitartean izango da, abenduaren 10etik abenduaren 14ra. Guztira, sei tabernak hartuko dute parte: Kutixi, Sayalero, Baraka, Antilla, Gabon eta Aterpe.
Elektrotxarangaren 'burrundak' dantzan ipini du jendea, San Nikolasen azken txanpan
2018-12-08 21:30 kultura Orio_profile_sidebar.jpg)
Burrunba elektrotxaranga Bikamiotatik hasi eta herriko kaleetan barrena ibili da txoko guztiak girotuz. Aurtengo jaiak amaitzeko, Luhartz musika-taldea igoko da 23.00etan plazako oholtzara.
San Nikolas azkena: jendetza dabil plazan, gaztetxoen dantza urbano erakustaldiaz gozatzen
2018-12-08 13:13 kultura Orio
Eguzkia lagun, herritar eta bisitari ugari dabil Oriotik, festen azken txanpaz gozatzeko. WM Dantza Eskolako 'Urban Style9' emanaldiaren ondoren, arratsaldeko 17:00etan ekingo zaie jaietako azken jarduerei. Gaurko egitaraua, ondorengoa:
San Nikolas bigarrena: arratsaldean jende asko juntatu da frontoian eta plazako erromerian
2018-12-07 22:47 gizartea Orio
Lertxundi eta Aranalde oriotarrek 22-12 emaitzarekin irabazi dute Villabonako Urbieta eta Esnaolaren aurka jokatu duten partida, frontoiko harmailak goraino bete dituzten herritarren aurrean. Gero, Titin III - Merino eta Urbieta II - Zabala bikoteen arteko partida jokatu da, eta bigarrenek irabazi dute 20-22 emaitzarekin. Ikusleek gozatu ederra hartu dute frontoian. Ordu berean, erromeria izan da plazan Lehian taldearekin, eta jende asko juntatu da han ere.
Juan Rekarte aiarra Durangon da igandera arte, musika klasikoko ekoizpen berriekin
2018-12-07 17:21 kultura Aia Orio
Pat Cowie eta Rekarteren Ausart Digitala disketxearen postua azokako 'Artekaleko' 63.postuan aurkitzen da. Orioko ordezkaritza ere topatu du gaur KARKARAk Durangon. Julen Alonso 46. standean da 'Sutan dantzan' disko berria promozionatzen. Elizabete Manterolak 'Besteak gure ispilu' mahainguruan parte hartu berri du eta Ibai Marinen 'Bidean naiz' lan berria ere salgai da -kontzertua eskainiko du igandean 15.00etan-.
Herri kirolek hartu dute Orioko plaza
2018-12-07 13:46 kirola Orio
Gaur, San Nikolas bigarrena, herri kirolak izan dira Orioko plazan, 12:30etik aurrera. Luis Mari Txapartegik (Aizarnazabal) eta Xabier Orbegozo Arria V.ak (Errezil) hartu dute aizkora, eta harri-jasotzen, berriz, Joseba Ostolaza Harri Eskolako kideak aritu dira: Joseba Ostolaza (Orio), Imanol Illarramendi (Aia), Jokin Eizmendi (Zarautz), Aimar Galarraga (Orio), Gorka Etxeberria (Orio), Mateo Coloma (Donostia), Udane Ostolaza (Orio) eta Goiatz Galarraga (Orio).
Haurrak protagonista San Nikolas bigarrenean
2018-12-07 13:25 kultura Orio
Gaur, ostirala, San Nikolas bigarrena eta Umeen eguna da Orion. Goizean goiz eman diete hasiera bereziki haurrei zuzendutako egitarauari.
Kiroldegia leporaino, bertso jaialdiaz gozatzeko
2018-12-07 10:45 kultura Aia Orio
Errikotxia bertso eskolaren, Orioko Udalaren eta Lanku kultur zerbitzuen eskutik, punta-puntako bertso jaialdia eskaini zuten atzo, San Nikolas Egunean, Andoni Egaña, Maialen Lujanbio, Aitor Mendiluze, Amets Arzallus eta Arrate Illaro bertsolariek. Unai Manterola jardun zen gai-jartzaile lanetan. Herritarrek goraino bete zuten Karela Kiroldegia. / ARGAZKIAK: JM OLASAGASTI.
San Nikolas (II): Haurren herri kirolak, kalejira eta erromeria plazan
2018-12-06 20:41 gizartea Orio
Gaur arratsaldean, jende dezente juntatu da festa programako ekimen desberdinetan. Bazkalostean, Zaragueta Herri Eskolak antolatuta, haurrentzako herri kirolak izan dira Mendibeltz futbol zelaiaren ondoan, eta umeak primeran ibili dira. Seiretan, Pello eta Nikolasa kalejira egitera atera dira, buruhandiek, trikitilariek eta herritar askok lagunduta. Buelta plazan bukatu dute, eta segidan, erromeria izan da.
San Nikolas eguna: Kirola, musika eta dantza nagusi goizaldean
2018-12-06 14:56 gizartea Orio
Gaur, San Nikolas eguna, goizetik hasi dira jaietako ekintza eta ospakizunak. 10:00etan II. Kamel Ziani Krosa jokatu dute gaztetxoenek, Mendibeltz ondoko parkean. Meza ere izan da, Salatxo abesbatzaren parte hartzearekin, eta jarraian, emanaldia eskaini dute elizako aldapan, Oteitzaren Pietatearen azpian. 12:30ean Harribilek antolatutako Dantzari Txikien Txapelketa hasi da herriko plazan, eta jendetza bertaratu da ikuskisunaz gozatzera. Guztira, zortzi dantzari bikotek hartu dute parte.
Irudietan: II. Kamel Ziani Krosa
2018-12-06 13:58 kirola Orio
Atzo hasi ziren San Nikolas jaiak. Abenduaren 5etik 8ra ospatuko dituzte aurten, atzotik larunbatera bitartean, alegia. Gaur, abenduak 6, San Nikolas eguna da, eta hainbat egitasmorekin eman diote hasiera egunari.
Irudietan: Eman zaie hasiera San Nikolas jaiei
2018-12-05 21:55 gizartea Orio
Arratsaldeko zazpietarako, herriko kaleetan haurrak zain zeuden Pello eta Nikolasa noiz agertuko. Atera direnean, buruhandi eta txistulariekin batera kalejira egin dute. Segidan, Herriko plazan eman zaie hasiera aurtengo sanikolas festei. Salatxo abesbatzako kideak omendu dituzte, jaiei hasiera eman dien txupinazoan.
Euskaraz Gazte literatur lehiaketako sariak banatu dituzte
2018-12-04 10:00 kultura Orio
Atzo arratsaldean izan zen sariak banatzeko ekitaldia, Orioko udaletxean. Urtero legez, ipuin saila eta olerki saila bereizi zituzten. Karkara aldizkariaren urtarrileko zenbakian argitaratuko dituzte lan sarituak.
Orio AEko emakumezkoek uretako lehen entrenamendua egin dute asteburuan
2018-12-03 13:00 kirola Orio
Entrenamendu saioak egiten duela hiru aste hasi baziren ere, estropalariek larunbatean bota zuten txalupa uretara estreinakoz estropalariek.
Gipuzkoako aulki mugikorreko XVIII.ligako estropada jokatu zen atzo Orion
2018-12-03 10:24 kirola Orio
Orioko Arraun Elkarteak hamazazpi ontzi aurkeztu zituen lehiaketara. Horietatik 12 lehen postuan helmugaratu ziren, 3 bigarren postuan, 1 hirugarren postuan eta 1 laugarren postuan. Estropadak bi luzera desberdinetakoak izan ziren: Saikola-Orio (4000 metro) eta Mapil-Orio (6000 metro).
Irudietan: Aiarrak eta oriotarrak Zarauzko Bikote Mistoen Krosean
2018-12-02 18:14 kirola Aia Orio
Jendetza bildu da gaur Zarautzen, parekidetasuna eta kirola ardatz duen hitzoduan. Zarauzko 40. Bikote Mistoen Krosa Irene Loizate durangarrak eta Joanes Goitisolo gernikarrak irabazi badut ere, lasterketa amaitu duten 537 bikoteak izan dira gaur txapeldunak.