Euskara ikasleek egiten duten ahalegina aitortzeko, euskaltegiko ikasleei egindako elkarrizketak argitaratuko ditu Karkara aldizkariak hilabetero, urtea amaitu bitartean, Orioko Udaleko Euskara sailaren eta Orioko AEK Euskaltegiarekin elkarlanean. Hona hemen maiatzeko aldizkarian Carmen Gil Roblesi egindako elkarrizketa.

Euskal Herriko mugak zeharkatzen ditu euskarak. Horren adibide dira elkarrizketa honetako bi gonbidatuak: Hiromi Yoshidak Tokioko unibertsitatean ezagutu zuen euskara, eta Azpeitiko euskalkia landu du bereziki; Mikel Morris estatubatuarrak, berriz, Lazkaon ikasi zuen hizkuntza, eta lehen euskara-ingelesa hiztegiaren sortzailea da. UKTren maiatzeko tokiko aldizkarietan argitaratutako GUKA ataleko edukia da elkarrizketa.