Korrika ekimena gerturatzen ari da, eta bertan parte hartzeko petoak edo balkoian jartzeko banderolak nahi dituztenek, euskaltegian dituzte eskuragarri. 5 euroan daude salgai banderolak eta 6 euroan petoak.
Halaber, kilometro bakarren batzuk erosteko aukera bada oraindik Orion. Martxoaren 19tik 20rako gauean pasatuko da Korrika. Gauerdi inguruan iritsiko da Aginagako Mapilera eta 00:30ak pasatuta helduko da plazara. Bertatik Xuai gaineraino joango da.
Zehazki, 10 kilometro egingo ditu Korrikak Orion, aipatutako noranzkoan, eta dagoeneko herriko elkarteek kilometro batzuk erosi badituzte ere, geratzen da bakarren bat salgai. Erosteko interesa dutenek jo dezatela Korrikaren eskualdeko arduradunarengana: Egoitz Dorronsoro (688 891 743).