Sokari tiraka, Euskadiko hoberenak

Aiako Idi Proba Elkarteak, Udalaren babesarekin, sokari tiraka jarriko ditu 19 talde. Gizonezkoetan, 14 talde: Ñapurrak, Sokarrola A eta B, Ibarra A eta B, Baigorri, Marueta, Atzera HK Kluba, Iparralde, Aguraingo STT, Sokarri, Urruña, Txantrea eta 6 Conceyos. Emakumezkoetan, bost: Badaiotz, Bizindar, Gaztedi A eta B, eta Ibarra. Txapelketa arratsaldeko 17:00etan hasiko da, herriko frontoian.

Gizonezkoen talde guztiek 300 kilotan hartuko dute parte. Bi multzotan banatuko dira; lehendabizi zazpi lehiatuko dira, eta ondoren, beste zazpi. Sokari tiratzen lehenak Ñapurrak, Sokarrola A, Ibarra A, Baigorri, Marueta, Atzera HK Kluba eta Iparralde. Bigarren multzoak ondoren taldeak daude: Sokarrola B, Ibarra B, Aguraingo STT, Sokarri, Urruña, Txantrea eta 6 Conceyos.

Emakumezkoak 260 kiloko mailan arituko dira. Kategoria honetan ez dira hainbat multzotan banatuko, bost taldeak multzo bakar bat osatuko baitute.

Euskadiko sokatira talde hoberenak bilduko dira Aian, larunbat honetan, 17:00etan. Orduan erabakiko da Euskadiko hoberena zein den, txapeldunaren txapela nork eramango duen. Sarrera dohainik izango da.