Azpeitiko Iturri Txikin hasi zen VII. Zuzenien bertikala; herritik San Inazioren estatuara. Bertikalean, bigarren gelditu zen Nerea Amilibia aiarra. Irabazleak –Montserrat Vazquez– minutu bateko tartea atera zion aiarrari.
Igandean Azpeitiko Zuzenien lasterketa jokatu zen. ibilbidea guztiz aldatu dute aurtengoan, berritzeko gogoa baitzuten. Hortaz, aurten egindako markak izango dira erreferentziazkoak datozen urteei begira; aurrekoekin ezingo dira alderatu.
Nerea Amilibiak marka ona egin zuen, 44:48 denborarekin bigarren postuan helmugaratu zen aiarra. Atzetik eskualdeko beste korrikalari bat sailkatu zen, Uxoa Irigoien, 48:30 denborarekin.
1. Montserrat Vazquez Bilbo 43:48
2. Nerea Amilibia Aia 44:48
3. Uxoa Irigoien Getaria 48:30