Aia
karkara.eus

Talo tailerrak egingo dituzte Iturraranen abuztuan

  kultura  Aia

Agorregiko errotan ehotutako irinarekin egingo dituzte taloak abuztuaren 5ean, 12an eta 19an.

Abuztuko larunbatetan taloak egin eta dastatzeko aukera izango da Pagoetako Iturraran Parketxean. Bisita bereziak antolatu dituzte abuztuaren 5ean, 12an eta 19an.

Agorregin hasiko dira bisitak, 11:30ean, han ehotuko baitituzte taloak egiteko aleak. Bisita gidatuaren ondoren, 13:00ak aldera parketxera igo eta taloak prestatuko dituzte, txistorrarekin dastatzeko.

Bisitaren prezioa 6 eurokoa da helduentzat eta 5 eurokoa 3 eta 12 urte bitarteko umeentzat. Erreserba egin edo informazio gehiago nahi duenak 943 83 53 89 telefonora deitu edo iturraran@gipuzkoamendizmendi.net helbide elektronikora idatz dezake.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa