'Taichi-Chikung' saioa egingo da Iturraranen

'Taichi-Chikung' saioa egingo da Iturraranen

Jose Fermin Asiain irakaslearen eskutik, "barne energia indartzeko eta orekatzeko" aukera izango dute bertaratzen direnek, "naturarekin bat eginez". Parte hartu nahi dutenek aldez aurretik egin beharko dute erreserba.

Maiatzaren 18an, larunbata, Taichi-Chikung saioa egingo da Iturrarango Lorategi Botanikoan. 11:00etatik 13:00etara izango da. Jose Fermin Asiain irakaslearen eskutik, "barne energia indartzeko eta orekatzeko" aukera izango dute bertaratzen direnek, "naturarekin bat eginez". Horretarako, Taichi eta Chikung mugimenduak landuko dituzte.

12 urtetik gorako pertsonei zuzendutako saioa izango da, eta antolatzaileek arropa eta oinetako erosoak jazteko gomendioa egin dute. Plaza mugatuak izango direnez, parte hartu nahi dutenek aldez aurretik egin beharko dute erreserba, emailez iturraran@gipuzkoamendizmendi.net helbidera mezu bat igorrita edo 943 835 389 zenbakira deituta. Bost euro ordaindu beharko ditu bakoitzak.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!