Hasi dira San Pedro jaiak Andatzan

Karkara 2019ko eka. 29a, 11:28

Aiako Andatza auzoan atzo goizean goiz hasi ziren San Pedro jaiak; 09:30ean jaurti zuten txupinazoa. Jarraian, haurrentzako jolasak eta 'Moto molto' lasterketa izan ziren.

21:30ean afaria egin zuten Mutil Ardo eta elkartekoek, eta gauean ere jarraitu zuen festak: erromeria emanaldia eskaini zuten Izer eta Alabierrek.

Gaur, larunbata, meza nagusia izan da 11:00etan, eta ondoren, asalda beroa eskainiko diete adinekoei. 13:00etan herri kiroletan arituko dira gazteak, trikitilariek lagunduta, eta 14:00etan bertso bazkaria egingo dute frontoian. Iker Zubeldia eta Agin Laburu bertsolariek abestuko dute. Adinekoentzako bazkaria ere izango da ordu horretan, Aristerrazu jatetxean.

Irudiak: Utzitakoak

Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!