Datorren igandean, hilak 26, "altxorraren bila" jardungo dute Aiako Iturraran parketxean. 10:30ean hasiko da saioa, eta "orientazio zirkutu bat" izango du oinarri; izan ere, helburua da jolasaren bidez "naturan orientatzen ikastea eta inguruan duguna ezagutzea". Balizak topatu beharko dituzte parte hartzaileek, eta naturarekin lotutako hainbat galdera erantzun beharko dituzte.
Antolatzaileek azaldu dutenez, haurrentzako zein helduentzako "aproposa" izango da igandeko jolasa. "Gainera, sorpresak egongo dira guztientzat".
Bertaratzeko asmoa dutenek aldez aurretik eman behar dute izena, telefono bidez (943 835 389) edota emailez (iturraran@gipuzkoamendizmendi.net).