Bertan behera utzi dituzte Aiako San Donato eta San Lorentzo jaiak

Herriko jaiak ospatuko ez badituzte ere, Aiako Udalaren asmoa da udan Jai Batzordearekin elkarlanean hainbat kultur jarduera antolatzea.

Abuztuaren hasieran ospatzen dituzte San Donato eta San Lorentzo jaiak Aian, baina, aurten bertan behera uztea erabaki dutela jakinarazi du Aiako Udalak. Antza denez,  uztailaren 8an egindako Gobernu Batzordean hartu zuten erabakia EAJ eta EH Bildu udal taldeek, "COVID-19a oraindik gizartean dagoela" kontuan hartuta.

Dena dela, udan, Jai Batzordearekin elkarlanean hainbat kultur jarduera antolatzea da Aiako Udalaren asmoa. Eta, nabarmendu dute horietan guztietan araudiak zehazten dituen babes neurriak aintzat hartuko dituztela. 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!