Abuztuaren 22an jokatuko da XIII. Andatzatik Aiara Igoera

Hasiera batean martxoaren 21ean jokatzekoa zen auto igoera, baina osasun larrialdi egoera ezarri zuten erakundeek eta proba atzeratzea beste aukerarik ez zuten izan antolatzaileek.

Oraindik federazioak xehetasunen berri eman ez badu ere, antolatzaileek sare sozialen bidez jakinarazi dute abuztuaren 22an jokatuko dela XIII. Andatzatik Aiara Igoera. Hasiera batean martxoaren 21ean jokatzekoa zen, baina, COVID-19a dela eta, osasun larrialdi egoera ezarri zuten erakundeek, eta proba atzeratzea beste aukerarik ez zuten izan antolatzaileek.

Hala, abuztuaren 22an jokatuko da XIII. Andatzatik Aiara Igoera: 09:00etatik 12:30era, ikuskapen teknikoak egingo dituzte; 13:30ean, errepidea itxiko dute eta,14:30ean, hasiko da txanda ofiziala.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!