20:00etatik aurrera, Aiako probalekuan Harritzearen abilezia emanaldia eskainiko du Hodei magoak gaur. Ostiralean, hilaren 14an, Zetak taldeak kontzertu akustikoa emango du leku berean 22:30ean hasita, eta, igandean, hilaren 16an, hainbat harri-jasotzailek eta aizkolarik erakustaldia egingo dute 18:30etik aurrera. Harria jasotzen ariko dira Aimar Irigoien, Urdax Magunazelaia, Jokin Eizmendi, Mikel Lopetegi Urra, Karmele Gisasola eta Udane Ostolaza. Aizkorarekin ariko dira Iker Vicente eta Mikel Larrañaga.
Hitzordu guztietara joateko beharrezkoa izango da aurrez lekua erreserbatzea, eta bi euro balioko du sarrera bakoitzak. Horretarako bi bide ahalbidetu ditu Aiako Udalak: 943-13 11 44 telefono zenbakira deitu daiteke, edo harrera@aia.eus helbide elektronikora idatzi. Udalak gogorarazi du maskara ezinbestekoa izango dela ekitaldietara joateko, eta eskatu du sarrerak aurrez erosteko eta hitzorduetara garaiz joateko, jende pilaketak saiheste aldera.