Aiako merkatariek zein ostalariek Covid-19ari aurre egiteko jarduera ekonomikoa prestatzeko diru laguntzen deialdia zabaldu du Aiako Udalak.
COVID 19-ak sortutako egoeraren aurrean, herriko merkataritza eta ostalaritza sektoreetan beharrezko inbertsoa egin, ekipamenduak jarri eta inbertsio horiek bideratzeko ikerketa egiteko helburuarekin jarri dute martxan deialdia. Diru laguntzaren xedea, bestetik, tokiko jarduera suspertzea eta bide batez, sektoreen jarduera ekonomikoa, enplegua eta lehiakortasuna mantentzea da, egungo egoerari aurre egin ahal izateko.
Diru-laguntza jarduerak
Hiru jarduera soilik lagunduko dira diruz. Batetik, lokalak eta laneko moduak egokitzea, bestetik, segurtasun eta osasunaren irizpideak edo protokoloak betetzeko xedearekin, merkataritza edo ostalaritza-lokalak moldatzeko inbertsioak eta ekipamendua. Azkenik, bezeroekin eta erakunde hornitzaileekin harreman berriak antolatzeko edo laneko moduak egokitzeko inbertsioak eta ekipamenduak.
Diru laguntza jasotzeko eskaera aurkezteko epea, abenduak 21, astelehena itxiko da.