COVID-19 gaitzak ekitaldi ia guztiak bertan behera utzi zituen iazko martxoan, baina badira orduz geroztik gailu digitalak eta Internet baliatuta, beste modu batera bada ere, gauzatzen ari diren egitasmoak. Horietako batzuk dira igande arratsaldeetan Aiako Andatza auzoan egiten diren Aristerrazuko erromeriak.
Jende pilaketak ekidin behar direnez, trikitilariak zuzenekoak eskaintzen hasi dira Aristerrazu Zuzenean egitasmoaren bidez, sare sozialetan. Gaur esataerako, Jose Luis Garmendia Laja II.a eta Eugenio Gisasola Lutxurdio tritikitilari azkoitiarrek emango dute zuzeneko erromeria. 19:00etan hasiko da erromeria, eta Aristerrazu Zuzenean izeneko Facebook kontuan arituko dira.