Atzo jokatu zuten Aiako probalekuan Manuel Zendoia Maya aiarraren eta Iker Zubillaga Igeldo ezkioarraren arteko idi apustua, eta lehia biziaren ostean, Aiako idi pareak irabazi zuen apustua. 4000 euro zeuden jokoan.
Zozketak hala erabakita, Mayaren idi parea atera zen probalekura, eta 51 plaza, zinta bat, eta bi metro eta 78 zentimetro egin zituzten Asier Alegria eta Iagoba Tubilla itzainek gidatutako animaliek.
Iñaki Urrutia eta Axier Zubillaga aritu ziren gero Igeldoren idi parearekin, eta bukaerara arte lehiatu baziren ere, 47 plaza, eta metro eta 90 zentimetro egin zituzten. Beraz, garaipena Aian bertan gelditu zen.
Argazkiak: Ibon Errazu