Landare Berezien 18. Azoka egingo da larunbat eta igandean Iturrarango Lorategi Botanikoan. 2003an lehen edizioa antolatu zenetik, sona hartzen joan da azoka. Antolatzaileen hitzetan, urtez urte "publiko zabal bat" izatea lortu du egitasmoak, eta asko dira azoka noiz iritsiko zain egoten diren lagunak.
Aurtengoa, gainera, azoka berezia izango da urtero han juntatzen direnentzat; izan ere, 2020an bertan behera laga behar izan zuten pandemiak hala behartuta, eta iaz, modu birtualean egin zen. Zorionez, hiru urte eta gero, betiko azokaz gozatzeko aukera izango da.
Aurtengo edizioak "berrikuntza ugari" izango dituela ere azaldu dute antolatzaileek. Zortzi mintegi berri sortu dituzte, eta guztira, 47 postu jarriko dituzte Euskal Herriko, Espainiako eta Frantziako landare ekoizleek.
Hemen klik eginda eskuratu daiteke egitasmoaren inguruko informazio osatuagoa.