Irailaren 3an eta 24an "erleen mundu berezia" landuko dute Iturraran Parketxean joko baten bidez. Galdutako erlearen bila orientazio jokoan talde txikietan bilduko dira –familiak ere izan daitezke–, eta mapa baten laguntzaz, lorategi botanikoan barrena ibiliko dira partaideak lorez lore erleei buruz ikasten.
Amaieran, erlategira joan eta erlauntza bat irekiko dute "erleek beraien aberasketan egiten duten lana ikusi eta ezagutzeko". Parketxeko arduradunek gogorarazi dutenez, "erleak behar-beharrezkoak ditugu ekosistemetan, eta bisita hauen helburua da zertxobait gehiago ikastea, ezagutu ahala zaintzen dugulako gure ingurunea".
Jokoan parte hartzen duten guztiek "oparitxo bat" eramango dute etxera.
Izen-ematea eta informazioa
Orientazio jokoan parte hartu ahal izateko beharrezkoa izango da aurrez izena ematea. Horretarako, nahiz informazio gehiago eskuratzeko, nahikoa da 943-83 53 89 telefono zenbakira deitzea edo mezua idaztea iturraran@gipuzkoanatura.eus helbide elektronikora.
Erreserba egin nahi izanez gero, online ere egin daiteke hemen.
Helduek sei euro ordaindu beharko dute jardueragatik, eta 4-12 urte arteko haur eta gaztetxoek, berriz, lau euro.