Belako taldearen Aiako kontzertua egunez aldatu dute berriz ere. Hasiera batean, abenduaren 17rako iragarri zuten; gero, abenduaren 10era aurreratu zutela; eta orain, berriz, emanaldia urtarrilaren 14an izango dela. Ordua eta lekua lehengo berak izango dira: 22:30ean hasiko da kontzertua eta probalekuan izango da. Aurreko emanaldietarako sarrerak edo bonuak erosita zituztenek, ez daukate zertan kezkatu, data berrirako berdin-berdin balioko baitute. Eta oraindik sarrerarik ez dutenek, Aiako Kultur Etxean edo lotura honetan lor ditzakete, hamabost euroren truke.
Urtarrilaren 14an izango da kontzertua, 22:30ean hasita, Aiako probalekuan. Lehengo sarrerek eta bonuek balioko dute data berrirako ere.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!