Aiako XVI. Argazki Lehiaketak baditu saridunak. Herritarrek izan dute argazki gustukoenak bozkatzeko aukera, eta herritarren artean, Aran Aldai izan da garailea. Bigarren saria Maialen Manterolak eskuratu du, eta hirugarrena, berriz, Aitor Blascok.
Aiarrak ez diren argazkilariek ere izan dute lehiaketan parte hartzeko aukera, eta horietan boto gehien Yan Surgetek jaso ditu, eta berarentzat izan da lehen saria.
Parte hartzaileek Aia gai hartuta egin dituzte argazkiak, eta aurrena udalak izendatutako epaimahaiak pasatu zuen galbahea, eta 52 lan jarri zituen Kultur Etxean ikusgai. Lan horiek bozkatu dituzte gero herritarrek, eta horietako hamabi bozkatuenak erabiliko ditu udalak urtero egiten duen udal egutegia osatzeko.
Udalak aurreratu du hurrengo urterako gaia librea izango dela, baina, beti ere, Aiari lotutakoa izan beharko duela.