Herriguneetan ez ezik, auzoetan ere antolatzen dira ekitaldiak Gabon garairako. Gabon Egunean, esaterako, Olentzero iritsi zen Urdanetara, eta auzoko haurren eskutitzak jaso zituen.
Urdanetako auzo elkarteak festa antolatu zuen Gabon Egunerako auzoan. Arratsalde partean, Gabon eskean atera ziren auzotarrak, eta iluntzean, Olentzero iritsi zen Urdanetara, umeen gutunak jasotzeko. Mimo handiz prestatu zuten ekitaldia auzo elkarteko kideek, xehetasunik txikiena ere kontutan hartuta. Hona hemen argazki bilduma.
Argazkiak: Edurne Albizu Lizaso
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!