San Martin jaien atarikoan murgilduta daude asteburuan Urdanetan, eta gaur eguerdian pentatloi erakustaldia ikusteko aukera izan dute bertaratu diren auzotar eta bisitariek. Izeta Harri Eskolak antolatu du ekimena, eta bi bikote jardun dira elkarren aurka. Alde batetik, Andoni Iruretagoiena eta Nerea Arruti, gaur gaurkoz Euskal Pentatloiko txapeldunak biak, eta bestetik, Jakes Iruretagoiena eta Karmele Gisasola. Erakustaldi bikaina eman dute, eta herri-kirolaria sasoi betean daudela erakutsi dute beste behin Urdanetako auzotarren artean.