Iturraran Parketxeak Eskua bete ore ekimena antolatu du datorren iganderako. Ganbara zaharrean elkartuko dira parte hartzaileak 10:30ean, eta zereal ezberdinak ikusi, ukitu eta ezagutu ondoren, ogi ore zati bana banatuko zaie parte-hartzaileei ogia egiteko. Jarraian, Agorregiko errotak eta burdinola dauden bailarara ibilaldia egingo dute uraren bideak jarraituz, eta errota ikusiko dute funtzionamenduan. Hori bukatutakoan, Iturraranera bueltatu eta egindako ogia jasoko dute bisitariak. Bisita 10:30etik 13:15era bitartean izango da.
Eguraldia oso ona ez bada, berriz, errotara jaitsi beharrean, ogia egin ondoren parketxean geratuko dira Errotaren jolasean jolasten, antzara jokoaren antzeko jolasean.
Ekimenaren inguruko informazio gehiago jasotzeko edo izena emateko, 943 83 53 89 zenbakira deitu edo iturraran@gipuzkoanatura.eus helbidera idatzi dezakete interesatuek. Bisitaren prezioa 7 eurokoa da helduentzat eta 5 eurokoa haurrentzat.