Maiatzera bitartean izango diren kultur ekitaldien berri eman du Aiako Udalak. Kultur etxearekin eta Xatur gaztelekuarekin elkarlanean osatu dute eskaintza. "Denetik eta denantzat" egongo dela aipatu du Jon Ander Azpiroz alkateak. Hala, ipuin-kontalaria, ikuskizuna, puzkgarriak, tailerra eta musika eta dantza izango dira, besteak beste.
Ekintza gehienak kultur etxean izango dira, baina bat edo beste plazan eta futbol zelaian egingo dira. Hona hemen egitaraua osorik:
- Martxoak 26, asteartea. Puzgarriak futbol zelaian Real Sociedad fundazioarekin eskutik, 16:30etik 19:30era.
- Apirilak 19, ostirala. Komunikazioa familian tailerra kultur etxean, 17:00etatik aurrera. Izena aurrez eman beharko da.
- Apirilak 23, asteartea. Ipuin-kontaketa saioa, 18:30etik aurrera kultur etxean. Mirari Alkortak, Maitane Unanuek eta Xabier Etxanizek eskainiko dute.
- Apirilak 27, larunbata. Danbolinen emanaldia,18:00etatik aurrera, herriko plazan.
- Maiatzak 3, ostirala. Mugak eta Zaintza dantza tailerra, 18:00etatik 20:00etara, kultur etxean, Iñaki Santosen eskutik. Aurrez izena eman beharko da.
- Maiatzak 5, 19 eta 26. Iturraran parketxean tailerrak (Erlategia eta kandelagintza, Altxorraren bila et ogia eta errota) 3-16 urte bitarteko haurrentzat. Izena aurrez eman behar da.