Nekazaritzako ibilgailuen azterketa teknikoa (IAT/ITV) egiten duen Unitate Mugikorra Aiara etorriko da. Hain justu ere, maiatzaren 2an Elkano auzoan izango da, eta maiatzaren 7an, kaskoan bertan (BM ondoko aparkalekuan).
Aldez aurretik hartu beharko da zita online edo telefonoz (943 62 63 00).
Ohi bezala, jabeek ibilgailuaren dokumentazioa eraman beharko dute eta azterketa egiteko tarifa ordaindu. Zentzu honetan gogorazi dute, nekazaritzako ibilgailuek lehenengo azterketa teknikoa pasa beharko dutela 8 urte betetakoan; 16 urtera arte bi urtean behin, eta zaharragoek, urtero.