HITZA JOLAS Euskadi Irratiko irrati programarako alkarri jarritako puntuak eta bertso
erantzunak
Audioan, Nikolas Zendoia:
<iframe src="http://www.eitb.com/eu/get/multimedia/embed/id/2047138/tipo/audio/" width="458" height="61"></iframe>
Doinua: Bretoiarena (9ko txikia)
Kukuak ekarriko
ote du bakerik?
Egia esan ez da
falta ajerik.
Danean lapurretan
hor politikarik,
gezurrarekin ixten
betiko lantegik.
Ta jende gehiegik
itxirik bi begik
bajua komerik
inoiz holakorik
putre artean ez da
sartzen kukurik!
Martin Rezabal “Olaso”
Itsasoa haserre
agertzen danean,
ez da giro izaten
aldamenean.
Kontu berdina dago
itsasertz danean,
indar maltzurrak ditu
olatuenean
haien a(h)almenean
santiamenean,
braust! eta barnean
sartzen dan unean,
alperra franko jarri
ohi dik lanean!
Nikolas Zendoia
Lagun za(h)arra zer moduz
zabiltz Aia goian?
Zoritxoarrez ez nago
le(h)engo sasoian,
urteen zama daukat
neurri erraldoian,
nola igaro eta
nagon larogeian.
Horren arrazoian
zutikan doidoian
tarteka saloian,
jartzen naiz silloian,
eta han aspertzean
sartzen naiz ohian!
Joxe Mari Lertxundi