Eñaut Marti Orioko Herri Ikastolako ikasle ohia da. Ekintzailetasuna eta Lidergoa ikasketak egin zituen Mondragon Unibertsitatean eta horri esker Txinara joateko aukera izan zuen 2016an. Bertan uste baino denbora gehiago geratu da, eta Musik Lab izeneko proiektua sortu du lagun batzuekin. Gaur egun lau musika eskola dituzte Shanghaien, eta musika bidelagun, haurren eta gazteen zoriontasuna bilatzea dute helburu.
Shanghai Qiutian taldeak Ikastolan eskaini duen saioan, ikasleek taldeko kideekin hitz egiteko aukera izan dute, eta musikariek Math music musika estiloaren oinarriak eta taldearen sorreraren nondik norakoak azaldu dizkiete. Gainera, Erik Chen ikasleak taldekideak aurkezteko itzultzaile lanak egin ditu.
Eskerrik asko, Eñaut, gutaz gogoratzeagatik eta zorterik onena opa dizugu!