Alvaro Beñaran-en hitzaldia, ostegunean
Urtarrilaren 16an, Alvaro Beñaran pedagogo eta psikomotrizistak hitzaldia emango du "Haurren autonomiaren garapena" izenburupean, 17:00etan.
Hitzaldia guraso, irakasle eta gaiarekin interesa duen orori zabalik dago.
2 urteko haurren gurasoentzako bilera
Gure ikastola gertuagotik ezagutu dezazun, zalantzak argitu eta hainbat informazio praktiko jakinarazteko 2 urteko haurren gurasoei zuzendutako bilera egingo da urtarrilaren 17an. Bi bilera izango dira; euskaraz, 17:00etan eta gazteleraz 18:00etan, Ikastolako Haur Hezkuntzako eraikinean bertan.
Ate irekiak
Urtarrilaren 18an, larunbata, 11:00etatik 12:30era izango dira ate irekiak. Tarte horretan, ondoen datorkizunean pasa zaitezke Haur Hezkuntzako eraikinetik Ikastolaren espazioak gertutik ezagutzeko eta zure zalantzak argitzeko.