LH6koak cooking-en ibili dira buru-belarri. Eta azkenean, ikasturtearekin batera amaitu dituzte haien errezetak! Zartaginak, labeak eta mantalak martxan jarri dituzte, eta ondoren, dena txukun-txukun utzi dute. Usain pila zabaldu da ikastolan! Era berean, errezetak idatzi eta gordeta uzten hasi dira liburuxka batean udako oporretan bukatzeko asmoz.
LH5ekoek txokolatearen prozesuaren inguruko lanketa egin dute. Ahora eramaten dugunaren atzean dagoen ibilbide osoa ikasteaz gain, txokolatearen inguruko hainbat datu ezagutu dituzte. Dastaketa egitera ere ausartu dira, begiak itxita zer jaten ari diren asmatzen ere aritu dira. Moko fina erakutsi dute eta txokolatea bereizteko gaitasuna ere bai. Txikienei Hocus&Lotus istorioa kontatu, txokolatearen prozesua azaldu eta haiekin jokoak egin ondoren, txokolate festarekin bukatu dute proiektua.
Gozo-gozo amaitu dute ikasturtea LHko azken solairuan!