2024ko ots. 2a, 06:36
Mantalak jantzi, maukak igo eta buztinarekin gozatzeko aukera dute gure txikiek zirkulazio autonomoan eta halaxe ibiltzen dira eskuekin buztina landuz.
Ostiralak ordea, egun bereziak izaten dira HHn. Nekane, gure ikastolako irakasle ohi, guraso ohi eta gaur egun bertako amona den artista etortzen baita buzoa jantzita, haurrekin buztinarekin gozatzera.
Ikastolara lotzen gaituen sustraiak ez baitira inoiz eteten. Erretiroa hartu bazuen ere, inoiz ez du galdu ikastolarekiko duen lotura. Eta berak artearekiko duen jakintza eta pasioa ederki trasmititzen die txikiei.
Eskerrik asko Nekane, gure komunitatea lotzen jarraitzeagatik.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!