Gogoan al duzue Burt Lancasterrek nola estutzen zituen begi zulatzaile haiek zigarroari kea tiraka ateratzen zion
bitartean? Greta Garboren pose limurtzailea, zigarroa margotutako ezpainetara hurbiltzen zuenean, begirada esanguratsua guregana bidaltzen ari zela?
Gaur egun, ukitu-ezineko baztertuak lantokiko atarian elkartzen ditugu, droga zainetan sartu beharrean. Haientzat ez da azukrez egindako gozokiak edota kolesterolez betetako opilak erosteko makina duen gelarik. Ez. Begibistan jarri ditugu, gizartearen legenardun moduan: aurreko planoan, hotzak jota, bekatuaren protagonistak.
Aurreikusten al duzue ongizatea hain estimatua duen gizartea datorren urtean leku publikoetan erretzea debekatzen den irudi panoramikoa? Hautsontzi egokiak bost metrotik bost metrotara atari eta kale guztietan?
Hara pelikula: pozoiaz betetako paperezko makarroiak nonahi; zigarro-punta putzuak hona eta hara, haizeak eramanda. Eta haur txiki batek punta horietako bat ahoan duela, estututako begi esanguratsuak, nikotinaren mingotsak malkoz beteta.
The end.
Pat Cowie
—Karkarakidea—