Lourdesek adierazi duenez, Orioren alde lanean jarraitu nahi du, Oriotik, oriotarrekin eta oriotarrentzat. Orioko etorkizunerako proiektua aurrera eramateko lan taldea aurkeztu dute, talentu eta gaitasu ezberdinak dituen 13 gizon eta emakumez osatutako taldea.
Loudes Salsamendik Oria ibaia ardatz duen herri proiektu bat garatu nahi duela adierazi du. Bere hitzetan “Ibaia, erriyua, oriotarrentzat ogibide izan da, aisialdirako gunea, lehiarako prest izaten lagundu digu. Erriyo inguruan sortu eta hazi da gure herria. Bere lur emankorretan landatu ditugu haziak. Oriorako gure proiektuak ezin du ibaia alde batera utzi”.
Pertsonak erdigunean jarrita landuko dute Oriorako EAJk duen proiektua. Pertsonen eta auzoen beharrei erantzuna emateko, herriko ekonomia sustatzeko eta herriko nagusienen alde lanean jarduteko prest azaldu da Lourdes.
Lourdesek herritarrekin izandako bileren ostean prestatu duen programaren zintzeladak eman ditu eta datorren asteazkenean, maiatzaren 15ean, Kultur Etxean programaren aurkezpen sakona egingo duela aurreratu du, herritar denak bertara gonbidatuz.
Aurkezpen ekitaldi honetan, Gipuzkoa Buru Batzarreko presidentea den Joseba Egibar egon da Lourdesen hautagaitzari babesa emanez.