Trantsizio Ekologiko eta Erronka Demografikoko Ministeritzaren Kosta zuzendaritzak burutu du Oribarzar hondartza zaharberritzeko proiektua. Bertan aukera ezberdinak aztertzen dira eta hondartzaren diseinuari buruzko lanketa bat egiten da. Orioko Udaleko Hirigintza Batzordean aurkeztu da proiektua, eta aukera ezberdin guztiak aztertuko dira.
Proiektuan Txurruka aterpetxea lekuz aldatzeko proposamena barneratzen da, oraingo kokalekuan ordenazioz kanpo dago eta. Aterpetxea eraitsi eta berri bat egiteko 6 milioi euro bideratuko dira. Beste 3 milioiak, berriz, behar diren azterketak, proiektua eta hondartza berritzeko lanak egiteko izango dira.
Proiektua aztertuta, Orioko EAJri iruditu zaio Oribarzarrera iristeko historikoki beti bertan egon den enbarkaderoa edo ontziralekua berreskuratu eta proiektuan txertatu behar dela, eta horrela adierazi dugu. Modu horretara ingurua behar den bezala garatuko delako.
Bestetik, Txurruka aterpetxearen kokapen berriaren azterketa bat egin beharra dago eta alderdia dagoeneko ari da planteamendu eta kokapen berriak bilatze lanetan.
Datorren legealdian egingo den lana funtsezkoa izango da Oribarzar ingurua berritzeko. Lanketa horretan eremuan eskumenak dituzten beste administrazioen inplikazioa eta elkarlana ezin bestekoa izango da.