2015ko mai. 19a, 16:04
Maiatzaren 31ean, Garagardo festaren harira, 2. Kuadrillen Arteko Batel Estropada jokatuko da. Antolatzen den bigarren aldia izan arren, lehendabizikoz egongo da Garagardo Azoka Bandera jokoan. 17:00etan hasiko da festa errioan.
Iaz egin zen lehen aldiz eta harrera paregabea izan zuen. Festa giro alaia nagusitu zen kuadrillen arteko lehen batel lehiaketan. Eta, emaitza biribila ikusita, bigarrengoz antolatzea erabaki da. Maiatzaren 31n izango da, igandean, arratsaldeko 17:00etan.
Izena emateko epea 2015eko maiatzaren 29an amaituko da, ostiralarekin. Salatxo eta Kalakari tabernetan eman daiteke izena.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!