Bi aste besterik ez dira falta San Sebastian eguna iristeko. Horregatik, Zaharrak Berri argazki zaharren ataleko urtarrileko argazkia, danborradakoa da. Izan ere, Orion ere egiten zen danborrada, San Pedro jaietan, ordea. Argazkia, 1945. urtekoa da, lehen danborrada egin zenekoa.
Bertan agertzen dira danborradako kideak eta txistulariak. Goian, ezkerretik hasita, danborradakoak: Justino Salsamendi, Periko Loidi, Joxe Peña, Jose Ramon Salsamendi, Antonio Igartua, Jose Migel Lasa, Eladio Zubizarreta eta Joxe Ibarbia. Bigarren ilaran daude: Remigio Lertxundi Akaña, Inazio Leunda, Erramon Peña, Bixente Larrañaga, Jose Mari Oliden, Santi Ibirriaga, Manuel Urkizu eta Benjamin Sagarna. Makurtuta, beheko ilaran: Joxe Oliden, Joxe Zaldua, Manuel Potxotxo eta Gabriel eta Lontxo San Sebastian.
Iñaki Iturainen Orio: Historia argazkitan liburutik ateratako argazkia da.