Martxoan sartzearekin batera, gertu da udaberria. Egunak luzatzen hasi dira eta horrekin batera kaleetan ere mugimendu gehiago nabari da. Hain zuzen ere, Orioko kanpinak aste honetan bertan ireki ditu ateak. Horregatik, kanpinaren inguruko argazki bat hautatu da Zaharrak Berri argazki zaharren atalerako.
Zaharrak Berri argazki zaharren ataleko martxoko argazkia, Orioko kanpin zaharrarena da. Izan ere, martxoan sartzearekin batera ireki berri dute kanpina. Argazkia zein urtetakoa den zehaztu gabe dagoen arren, bertan ikusi daitekeen bezala asko aldatu da ingurua. Hondartzako pasealekua oraindik egiteke zegoen, eta bertan ziren baita ere futbol-zelaia eta hondartza aurreko txaletak.
Karkararen artxibotik ateratakoa da argazkia.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
