Orioko herriko plazan dago kilometroetako denda, herriaren bihotzean hain zuzen ere. Erria Txikota! ekimenaren espirituarekin bat egiten du dendak; izan ere, San Luis itsasontziaren sotoa zena atondu da denda irekitzeko.
Otsailean dendaren ordutegia aldatu egin da, eta astegunaren araberakoa izango da. Astelehenetan kilometroetako denda goizetan itxita egongo da. Arratsaldez irekiko dute, hortaz, 17:00etatik 19:30etara. Asteartetik larunbatera goiz eta arratsaldez irekiko da. Goizetan 11:00etatik 13:00etara; eta arratsaldetan, 17:00etatik 19:30etara. Igandetan, berriz, 12:00etatik 14:00etara egongo da irekita, ohi bezala.
Adin, sexu eta gustu guztientzako arropa dago dendan: galtzak, kamisetak, jertseak... Esan bezala, denda Orioko plazan kokatzen da. Halaber, dendara gerturatu ezin zaretenok helbide elektroniko honetara idatzi dezakezue.