Lehendabizi igerian; pedalei eragiten, ondoren; eta amaitzeko, korrika. Hiru modalitate hauek uztartuz sortzen da triatloia, eta horixe da Orioko Herri Ikastolak Udalaren laguntzaz San Pedro jaietarako antolatu duena. Ekainaren 27an izango da, ostiralarekin, eta hiru kategoriatan banatuko dira partaideak. Kategoria bakoitzak egin beharreko kilometro kopurua ezberdina da, baina guztiak ikastolako hasi eta bukatuko dira.
Gaztetxoak 17:40 - LH 4, 5, 6
100 metro igeri
2 kilometro bizikletan
800 metro korrika
Gazteak 18:00 - DBH
200 metro igeri
3 kilometro bizikletan
1000 metro korrika
Helduak 18:30 - 1997 edo lehenagokoak
300 metro igeri
6 kilometro bizikletan
1800 metro korrika
Lasteketan parte hartzeko izena eman behar da ekainaren 25a baino lehen. Hiru tokitan egin daiteke: Ikastolan, Karela kiroldegian eta Kultur Etxean. Gogoratu parte hartzaile guztiek kaskoa eramatea derrigorrezkoa dela.