Aida Makazaga, Amaia Rodrigez, Luka, Naroa Larreta, Unax Agirre, Alaine Garro. Udalbatzar aretoko mahaiaren bueltan eseri ziren ikasle hauek. Erdian, Sara Mugika, bera izan baitzen alkate.
Lan saioa antolatu zuen Mugikak eta ondoren, hurrengo San Pedro festetarako proposamenak egin zituzten. Besteak beste, ondorengoa proposatu zuten:
- Txupinazioa arratsaldeko 20:00tan izan beharrean, 20:30etan egiteko proposamena egin zuten, ahalik eta jende gehien etortzeko asmoz eta dendariak errespetatzeko xedearekin
- Txorien kantu lehiaketa errepikatzea eta arrantza lehiaketa egitea proposatu zuten
- Apar festa delakoa San Pedroetan egitea proposatu zuten
- Pirritx eta porrotxen emanaldia
- Suzko zezenak edota zezen txikiak eskatu zituzten
- Trikitilari lehiaketarekin jarraitzea eskatu zuten, jende asko erakartzen duelako
- Azkenik, gaueko musikarako DJ Abiba ekartzeko eskatu zuten.
Denbora luzez aritu ziren eta nahiko lan serioa aurkeztu zioten Beñat Solaberrieta alkateari eta Ekiñe Saizar zinegotziari.