Gazte garaian futbolean ibiltzen zirenak, berriz ere baloiari ostikoka jarri ziren sanikolasetan. Larunbat arratsaldean beteranoen triangeluarra jokatu zen. Hiru talde, eta hirurak hiruren aurka. Giro ederrean aritu ziren futbolean, beren kasta erakutsiz.
Aipagarria izan zen Joseba Agirrek egindako jokoa. Gainera, bi talderekin jolastu zuen aiarrak, bai Realarekin, bai Oriorekin. Realeko beteranoek zertzelada politak utzi zituzten Mendibeltzeko zelaian. Tartean ziren Alkiza, De pedro, Loinaz, Bakero, Orbegozo eta beste hainbeste.
Oriok Usurbilen aurkako partida 2 eta 1 irabazita bigarren postua eskuratu zuen, Usurbilek bi partidak galdu baitzituen. Realak, ordea, biak irabazi zituen 4-0 emaitzarekin. Triangeluarreko txapeldunak txuri-urdinak izan ziren.
Gaztentzat emaitza kaskarrak
Asteburuko partiduetan ez dute itxura ona eman oriotarrek. Talde guztiek galdu dute, jubenil neskenak izan ezik. Hauek 2-1 gailendu dira Allerruren aurka. Gainontzekoek tarte handiarekin galdu dute.
Jubenil neskak
Orio 2-1 Allerru
Kadeteak 5. multzoa
Kostkas 6-0 Orio
Kadeteak 6. multzoa
Orio 0-5 Martutene
Infantil neskak
Mutriku 5-0 Orio