1
Goizean goizo poligonotan
nabil buelta eta buelta,
dei batek hala aitortu zidan
egingo dizut arreta;
gutun azala itxi dut eta
egin dixkat bi fereka,
ate hotzen bat edukiko du
inguruan lau pareta,
beti badaukat curriculum bat
norbaitentzako gordeta.
2
Langabetuak horixe baitu
eguneroko pastela,
azkenerako pentsatu ohi dut
datorrena datorrela:
lan duinen bat bilatu arte
segi behar dut horrela.
Ondo badakit lur azalean
askotan egon naizela,
ia gorantza egiten dedan
igogailuan bezela.
3
Ta zoritxarrez askorena da
horrelako miseria,
askori zaio oso garesti
eguneroko ogia,
soldata osoa balitz ederki
edo soldata erdia,
gaurkoa ondo aterako da
seguru naiz, alegia;
ai ispilutxo ai ispilutxo
esan zaidazu egia!