Aulki mugikorreko Distantzia Luzeko Euskadiko Txapelketa jokatu zen pasa den igandean, urtarrilaren 17an, Bilbon. Bederatzi ontzitik seik domina lortu zuten; bi urrezko, bi zilarrezko eta bi brontzezko, hain zuzen.
Lauko ontziak izan ziren emaitza hobeenak lortu zituztenak. Kadete mailan emakumezkoek eta gizonezkoek txapelketa irabazi zuten, eta bigarren ontziek hirugarren eta bosgarren egin zuten maila berean, hurrenez hurren. Lemazain gabeko laukoak, kadete mailan, zilarra lortu zuen, eta bigarren ontziak bosgarren egin zuen. Jubenil mutiletan ere bigarren geratu zen lauko ontzia.
Biko ontziarekin hirugarren eta laugarren egin zuten jubenil neskek eta kadete neskek, hurrenez hurren.
Hasi da Gipuzkoako Batel Liga
Urtarrilaren 16an, larunbatean, Pasai Donibanen jokatu zen Gipuzkoako Batel Ligaren lehen jardunaldia. Zortzi ontzi joan ziren Orio Arraun Elkartetik.
Infantil mailan, mutilen A ontziak estropada irabazi zuen, eta B ontziak bosgarren egin zuen. Nesketan, laugarren eta zazpigarren egin zuten. Kadete mutilek ere estropada irabazi zuten eta neskak seigarren iritsi ziren helmugara. Jubeniletan neskek laugarren eta mutilek zazpigarren egin zuten.