Eguzkitsu zegoen igande goizean giroa. Haizea gogotik egiten zuen, horrek eta larunbateko euriak utzitako lokatzak, zaildu egin zuen lasterketa. 8 kilometroko ibilbidea egin behar zuten korrikalariek, hondartza paretik hasita. Helmugara iristen lehendabizikoa Jon Gonzalez Garcia lazkaotarra izan zen. Atzetik, Eneko Garmendia Fernandez eta Ekaitz Erauskin Landa helmugaratu ziren. Elkarrekin bukatu zuten lasterketa kronometroa 40:08 geldituta.
Emakumezkoetan Aida Maria Males Arango izan zen azkarrena. 50 minutu eta 16 segundo behar izan zituen ibilbidea egiteko. Mireia Berenger Valero izan zen bigarren sailkatua, 52:04 denborarekin. Hirugarren sailkatua Itsaso Erauskin Landa izan zen 54:00 denborarekin.
Junior mailan azkarrena David Urbizu Jimenez izan zen, 52:36 denborarekin. Beteranoetan Adriano Milan izan zen lehen sailkatua 49:39 denborarekin. Beterano master kategorian Iñigo Etxaniz Zialtzeta izan zen irabazlea 48:15 denborarekin. Emakumezkoetan, Edurne Martinez de Lizarrondo Egozkuezabal izan zen azkarrena 1:02:59 denboran eginda 8 kilometroak. Taldekako sailkapenean Euskalnikross taldea izan zen lehen sailkatua, 06:1:17 denbora egin baitzuten partaide guztien emaitzak batuta.