Astelehenean, iluntzean, harrera egin zieten Orioko harrobiko arraunlari txapeldunei. Bateletako denboraldi ofiziala bukatu denez, orain arte irabazitako banderak udaletxeko balkoian astindu zituzten. Sei bandera izan ziren plazaratutakoak. Bi gizonezko kadeteek lortutakoak, Gipuzkoako ligan eta Gipuzkoako Txapelketan; bi emakumezko kadeteek lortutakoak, Euskadiko Txapelketan eta Espainiako Txapelketan; eta beste bi emakumezko jubenilek lortutakoak, Gipuzkoako Ligan eta Euskadiko Txapelketan.
Sei bandera horiek astindu zituzten atzo, astelehenean, arratsaldeko 19:00etan. Hemendik aurrera, pixkanaka, aulki mugikorrean murgilduko dira arraunlariak. Hainbat jardunaldi izango dituzte, nola Frantzian, hala Kantabrian. Txapelketak ere izango dituzte, tartean Gipuzkoakoa Orion, Espainiako Legution eta Espainiakoa Banyolesen nahiz Sevillan.
Banyolesera jubenilak, absolutuak eta beteranoak joango dira, ekainean, Espainiako Txapelketa jokatzera. Eta Sevillara uztailean infantil eta kadeteak.