Balea gaitzat hartuta, marrazki lehiaketa antolatu zuen Udalak. Marrazkigileek oriotarrak edo Orion bizi direnak izan behar zuten, eta Din A4 batean aurkeztu behar zuen marrazkia. Egile bakoitzak, marrazki bana.
Udaleko alderdietako zinegotziek eta bi teknikariek egin dituzte epaile lanak eta hautatu dituzte marrazki onenak. Sariak gaur, ostegunarekin, banatuko dituzte, Tomax pailazoaren Txipli-Txapla ikuskizunaren ondoren. Emanaldia 17:00etan hasiko da eta ordu bete inguru iraungo du.
Kategoria bakoitzeko irabazleari Donostiako Aquariumera familian bisita egiteko sarrerak oparituko zaizkio. Hiru kategoria bereizi ditu antolakuntzak: 4-6 urte bitarteko ikasleena, 7-9 urte bitartekoena eta 10-12 urte bitarteko ikasleena.