Gipuzkoako emakumezkoen VII. Traineru Liga hasi da asteburuan. Hondarribian izan da ligako lehen estropada, igande arratsaldean, 17:00etan. Bederatzi taldek hartu dute parte: San Juanek, Oriok, Hibaikak, Getaria-Zarautzek, Donostiak, Deustok, Hernanik, Hondarribiak eta Colindresek.
Bederatzi ontzi horietatik bizkorrena iazko irabazlea izan da, San Juan. Batelerak lehen ziabogatik helmugaraino estropada buruan izan dira. Lehen ziabogan 5:20:00 denbora egin dute. Oriotarrak hirugarren postuan izan dira lehen ziaboga horretan, Hibaikak 5:22 eta Oriok 5:24 denborak gelditu baitu kronometroa.
Bigarren ziabogan aurrea hartu diete oriotarrek Hibaikari eta baleteren itzalean jarri dira. Bigarren ziabogan 5:53:80 denbora egin du azkarrenak, San Juanek. Oriok 05:56:43ko denbora egin du eta Hibaikak 06:00:76ko denbora egin du.
Hirugarren eta azken luzean hartutako tartea murriztu arren, Oriok bigarren postuari eustea lortu du. San Juanek 11:13:80ko denbora egin du, Oriok 11:20:43ko denbora eta Hibaikak 11:22:76koa.
Sailkapena
1. San Juan 11:13:80
2. Orio 11:20:43
3. Hibaika 11:22:76
4. Getaria-Zarautz 11:43:84
5. Donostiarra 11:44:65
6. Deusto 11:53:00
7. Hernani 12:03:38
8. Hondarribia 12:30:44
9. Colindres 12:41:93