Asteburuan etxean izango da estropada, baina, hori baino lehen, bihar, bizilagunen etxean jokatuko da estropada. Gipuzkoako gizonezkoen eta emakumezkoen Traineru Txapelketa jokatuko da, asteazkenean, 18:30ean.
Atzo amaitu zen estropadarako izen ematea eta Orioko bi taldek hartuko dute parte, emakumezkoen ontziak eta gizonezkoenak. Emakumezkoetan bi txanda izango dira eta oriotarrek bigarrengoan hartuko dute parte, Getaria-Zarautz, Hibaika eta San Juan taldeekin batera. Kaleen zozketa egunean bertan egingo da.
Gizonezkoetan hiru txanda izango dira eta oriotarrek hirugarrenean hartuko dute parte, San Pedro, San Juan eta Hondarribiarekin batera.