Orioko Gure Esku Dago herri ekimena lanean aritu da erabakitzeko eskubidearen alde eta orain erabakia aldarrikatzetik herritarrei hitza ematera pasa nahi da. Horrela, datorren udaberrian, Orion herri galdeketa egin nahi da eskualdeko beste hainbat udalerrirekin batera. Ekimena behar bezala aurrera eramateko, BALIZA elkartea sortu da eta datorren asteazkenean, azaroaren 23an, egingo dute jendaurreko aurkezpena, 19:00etan, Salatxo aretoan-
Aurkezpenean izango dira, ekimena babesten duten herriko elkarte nahiz entitateetako ordezkariak eta norbanakoak ere. Ekimenarekin bat egiten duten guztiei dei egiten zaie asteazkeneko agerraldian parte har dezaten.