Ourensen izan dira Orio AEko hainbat arraunlari pasa den asteburuan, Espainiako XVI. Arraun-ergometro eta VII. Distantzia Luzeko txapelketak jokatzen.
Urtarrilaren 28an, larunbatean, Ribadavian jokatu zen lehena, ergometro txapelketa. Hiru arraunlarik parte-hartu zuten txapelketa horretan. Hirurogeita bat partaide ziren guztira gizonezkoen jubenil mailan; hamabosgarren egin zuen Oihan Gozategik eta hogeita hirugarren Jon Lizarraldek. Senior mailan, hogeita bat partaidetatik zazpigarren egin zuen Jon Carazok.
Igandean, urtarrilaren 29an, Castrelo do Miñon Espainiako VII. Distantzia Luzeko txapelketa jokatu zen. Orio AEko hiru ontzik parte hartu zuten. Gizonezko jubeniletan, zazpigarren geratu ziren Oihan Gozategi eta Jon Lizarralde lemazain gabeko bikoan. Jon Olaizolak bosgarren egin zuen skiff-arekin. Azkenik, gizonezkoen absolutuan bosgarren egin zuen lemazain gabeko bikoak. Ontzi mixtoa zen hura, Orio AEko Jon Carazok eta Labradores-Sevillako Ismael Montesek osatutakoa.
Gipuzkoako batel ligaren laugarren jardunaldia
Urdazurin jokatu zen, urtarrilaren 28an, Gipuzkoako Batel Ligako laugarren jardunaldia. Zazpi ontzik parte hartu dute eta hauek izan dira emaitzak:
- Emakumezko infantilak:
Orio A - 8. postua - Gizonezko infantilak:
Orio A - 6. postua
Orio B - 13. postua - Emakumezko kadeteak:
Orio A - 3. postua
Orio B - 7. postua - Gizonezko kadeteak:
Orio A - 4. postua
Orio B - 8. postua
Orio C - 10. postua - Gizonezko jubenilak:
Orio A - 6. postua